Son həftələrdə NohaSound-u demək olar ki, yenidən qurduq. Məqsədimiz mərsiyə dinləməyi rahat, sürətli və gözəl etmək idi. Ən çox fərqinə varacağınız yenilikləri bir yerə topladıq.
Yeni dizayn Saytın hər bölməsi yeni görünüşdədir: ana səhifə, mərsiyə səhifəsi, axtarış, Top, Spotlight, bloq, lent, mesajlar, hekayələr, giriş və qeydiyyat pəncərəsi, hesab ayarları. Gecə və gündüz rejimi var, telefonda isə aşağıda rahat menyu paneli. Sayt əvvəlkindən xeyli yüngüldür: ana səhifənin həcmi iki dəfə azalıb, səhifələr daha tez açılır. Mərsiyəni bir toxunuşla WhatsApp, Telegram, Facebook və ya X-də paylaşa bilərsiniz. Mesajlar kompüterdə siyahı ilə yan-yana, telefonda tam ekran açılır, yeni mesaj gələndə qısa bildiriş görünür. Hekayələr lentin yuxarısında ayrıca zolaqdadır.
Yeni pleyer – Səhifələr arasında keçəndə, hətta "Geri" düyməsini basanda belə mərsiyə dayanmır. – Tam ekran pleyerdə böyük şəkil, növbə və sözlər bir yerdədir.– Sözlər mərsiyə ilə birlikdə irəliləyir, misraya toxunub həmin yerə keçmək və yazını böyütmək olar. – Telefonun kilid ekranından və qulaqlıqdan idarə edə bilərsiniz. – Mərsiyəni pleyerdən yükləyə bilərsiniz, fayl adı və şəkli ilə gəlir.
Ardıcıl dinləmə – Siyahıda bir mərsiyəyə basanda ondan sonrakılar da sıraya düşür. – Menyuda "Növbəti çal" və "Növbəyə əlavə et" var. – Növbə bitəndə həmin məddahın, sonra eyni janrın mərsiyələri davam edir. İstəsəniz bunu söndürə bilərsiniz. – Səhifəni yeniləsəniz də növbə və qaldığınız yer itmir. – "Dinləməyə davam et" rəfi yarımçıq qalan mərsiyələri göstərir. – Yuxu taymeri: 15–90 dəqiqədən sonra və ya mərsiyənin sonunda səs yavaşca azalıb dayanır.
Mərsiyə sözləri – Yeni "Sözləri" səhifəsi: yadınızda qalan bir misranı yazın, mərsiyəni tapın. – Sözü olmayan mərsiyənin sözlərini süni intellekt dinləyib yaza bilir. – Sözləri özünüz əlavə edin və ya səhvə düzəliş təklif edin. Yoxlanıldıqdan sonra hamı görür. – Söz kartı: 1–4 misra seçin, şəkil kimi yükləyin və paylaşın. – Məclis rejimi: proyektor və ya televizorda sözlər tam ekranda, böyük hərflərlə görünür.
Ana səhifədə yeni – Hicri təqvim: bu gün hansı gündür (Aşura, Ərbəin, Fatimiyyə və s.) və o günə uyğun mərsiyələr. Yaxınlaşan gün bir neçə gün əvvəldən görünür. – "Sizin üçün yeni": ən çox dinlədiyiniz məddahların yeni mərsiyələri. – Axtarış yazdıqca məddahları və mərsiyələri göstərir.
Mərsiyə paylaşanlar üçün Statistika səhifəsində hər mərsiyənin son 7, 30 və 90 günü, insanların hansı saatlarda dinlədiyi, bu həftə ən çox artanlar, dinləyicilərin ölkələri və mərsiyənin nə qədərinin dinləndiyi görünür. Rəqəmləri Excel-də açılan fayl kimi yükləmək olar.
Dillər və düzəlişlər Sayt 21 dildə tərcümə olunub, dil dəyişəndə bütün yazılar dəyişir.
0 Комментарии