Yerlər Hüseynə qurban,
Göylər Hüseynə qurban,
Gülzari Kərbəladə,
Güllər Hüseynə qurban.
Zate Əhədiyyətdən,
Əvvəldə səda gəldi,
Vahid görüb o(l) Şahi,
İmdadə Xuda gəldi.
Təzimu səna üstə,
Şahi Şühəda gəldi,
Bi-vasitə dərgahi-Haqdan
bu nida gəldi:
Vəhdətlə bolənd etdin,
Tovhid ələmin, Ləbbeyk.
Ey nasiri din, Ləbbeyk,
Bi-yari muin, Ləbbeyk,
Mən yaru mədəd kar-ın,
Ləbbeyk Hüseyn, Ləbbeyk.
Ondan sonra səs verdi,
Öz cəddi RəsulAllah,
Bir də atası Heydər,
Haqq Şiri Vəliyullah.
Qardaşı Həsən giryan,
Fərzəndi Lisanullah,
Səsləndi Xanım Zəhra,
Suzan dil ilə nagah:
Məzlum Hüseyn, Ləbbeyk,
Ətşan Hüseyn, Ləbbeyk.
Ey dəştu biyabanda,
Veylan Hüseyn, Ləbbeyk,
Məzlum canına Zəhra,
Qurban Hüseyn, Ləbbeyk.
Ləbbeyk Hüseyn, Ləbbeyk.
Yerlər Hüseynə qurban,
Göylər Hüseynə qurban,
Gülzari Kərbəladə,
Güllər Hüseynə qurban.
Başında yeddi qarə,
Xahər Hüseynə qurban,
Ağlar qalan vətəndə,
Doxtər Hüseynə qurban,
Qovğaridə oğulsuz,
Madər Hüseynə qurban,
Əmanəti əlində,
Heydər Hüseynə qurban,
Altı yaşında qolsuz,
Cəfər Hüseynə qurban,
Təll üstünə qaçanlar,
Yeksər Hüseynə qurban.
Nəşi Şühəda nagah,
Meydanidə tərpəndi,
Min can bu bədənlərdə,
Olsaydı əgər indi,
Qurban sənə eylərdik,
Ey Fatimə dilbəndi.
Gəhvarədən Əsğər də,
Guya belə səsləndi:
Dünya suyunun fikrin,
Başdan ataram, Ləbbeyk.
Qanə bataram, Ləbbeyk,
Rahət yataram, Ləbbeyk,
Mən də Şühəda içrə,
Dəftərdə varam, Ləbbeyk.
Ləbbeyk Hüseyn, Ləbbeyk.
Üz qoydular meydana,
Ətfali hərəm yekbar,
Bir iddə Xanım ovrət,
Bir iddə bala qızlar.
Əllər uca başlardan,
Borgəh yerinə saçlar,
Bir hal ilə gəldilər,
Kafər də baxar ağlar.
Zeynəb qabağa düşmüş,
Səslər ucadan, "Ləbbeyk".
Ey Zeynəbi nalanın,
Ümidi aman, Ləbbeyk.
Gəldim anamın oğlu,
Qurban sənə can, Ləbbeyk.
Ləbbeyk Hüseyn, Ləbbeyk.
Ey əhli əza biz də,
Gəl ərz edək ey Mövla,
Nasir o zaman idi,
Biz məniye yənsurna.
Biz tabei fərmanik,
Əmrin edərik icra,
Hər bəzmi əza içrə,
Hər dəhheyi Aşura,
Möhnətlərinin zikrin,
Ovrad edərik, Ləbbeyk.
Biz də bu uzaq yoldan,
Fəryad edərik, Ləbbeyk.
Ağlar göz ilə ey Şah,
İmdad edərik, Ləbbeyk.
Ləbbeyk Hüseyn, Ləbbeyk.
