Aldı Hüseyn qan ilə bir dəstəmaz,
Ta edə Mə'bud ilə razu-niyaz.
Aşiqə bax can verir,
Yarələri qan verir.

Məst olub azadələr azadəsi,
Başa çəkib eşqi vəfa badəsi,
Məqtələ bax qanlıdı səccadəsi,
Cilvə verir eşqinə ruhi namaz.

Səcdəyə düşdü dili suzan ilə,
Xəlvət edib Həzrəti Canan ilə,
Başladı zikrin ləbi ətşan ilə,
Əhli namazı elədi sər fəraz.

Aşiqə bax can verir,
Yarələri qan verir.

Ravi deyir, fikir elədim "su" deyir,
Gördüm ürək dərdin o həqqi deyir,
Su nədi, aşiqdi bu "Ya Hu" deyir,
Eylir öz istəklisini kəşfi raz.

Əldə qədəh foce mələk sərbesər,
Su gətiriblər, içər aşiq məgər?!
Abe həyata bu susuz naz edər,
Kövsəro Zəmzəmdən olub biniyaz.

Ərz edir, Allah sənə mən talibəm,
Pure Əliyibni Əbi Talibəm,
Ruhe Ubudiyyətə mən qalibəm,
Bəndənə rəhmət qapısın eylə naz.

Aşiqə bax can verir,
Yarələri qan verir.

Getdi hicabat aradan nagəhan,
Verdi Hüseynə Yaradan təzə can,
Gərme hüzur oldu İmami Zaman,
Eylədi canan qonağın pişvaz.

Səs gəlib, ey aşiqi zarım mənim,
Fatimənin oğlu, nigarım mənim,
Yarınam, ey sevgili yarım mənim,
Dərdini gizlətmə, mənəm çarəsaz.

Şölədə bimarini mən saxlaram,
Qorxulu qızlarını mən saxlaram,
Zeynəbi biyarini mən saxlaram,
Etmə Hüseyn bir belə suzu güdaz.

Ərş sənin, aləmi imkan sənin,
Hur sənin, cənnəti rizvan sənin,
Mən edərəm dərdinə dərman sənin,
Qoy çəkilə xəncərə ətşan boğaz.

Gərme münacatidi, sultanidi,
Xəncərin aldı ələ Şimri ləin,
Başladı qəm nohəsi Ruhul Əmin,
Çatdı murada əzəli eşqbaz.

Gözdən axır üzlərə yaş gördülər,
Yerdə bədən, nizədə baş gördülər,
Hər tərəfə baxdılar daş gördülər,
Aşiqə məşuqi verib imtiyaz.

Aşiqə bax can verir,
Yarələri qan verir.